كل ما افكر في اللي حصلي بحس اني نفسي أرجع بالزمن لورا
أمسح كل الايام اللي عدت من عمري
نفسي أرجع همس الوحيدة
اللي متعرفش حد ومبتكلمش حد
بتعتبر الناس مجرد أشخاص بنشوفهم وبنعدي عليهم نسلم ونقول كلمتين هزار وبس
بعد كدة كل واحد في طريقه .. ملوش دعوة بالتاني
كنت بعتبر الناس زي الوحوش
ببعد عنهم لاني خايفة أتجرح منهم
لحد مالقيت شخص حسيته قريب مني من وسط كل الناس .. اخترته
اترددت اني أعتبره أقرب حد ليا كتير .. حاولت أبعد .. وياريتني بعدت
شخص مجروح
حبيت أعوضه وأكون جنبه في وقت محتاجني فيه
واتحولت مع الايام للعكس
بقيت بحس ان حياتي بستمدها من الشخص دة
اني ضعيفه أوووووى وهو قوتي
اني وحيدة بدونه .. ومن غير مايكون في حياتي أنا مليش معنى
لحد مافوقت على أكبر جرح في حياتي .. موقف خلاني أحس ياااه أد ايه أنا غبية
ازاي أكون واثقة في شخص للدرجة دي
ازاي أعتبره حياتي ودنيتي .. وازاي أعتبره أهم من نفسي
لما بيزعل في يوم بحس ان الدنيا كلها اتقفلت أودامي
بكون نفسي آاخد مني وأديله .. أديله ضحكتي وفرحي وكل حاجة حلوة معايا
وأشيل عنه همومه وحزنه وأخدها ليا
عمري ماجرحته ولا طلب مني حاجة ومعملتهاش
عمري ما عملت في يوم حاجة مبيحبهاش
ليه بحاول أسعد الناس ومبيكونش منهم ليا الا الجرح
أنا بجد تعبت
وشكلي أودام نفسي بقى وحش أوى
بقيت صغيرة أوى في نظري
بقيت شخص غريب ..
خايفة عليك مني .. خايفة أأذيك
خايفة أردلك الجرح بجرح وأعذبك زي ماعذبتني
عايزة أبعد عشان متعبكش
وعايزة أفضل معاك عشان وعدتك أفضل جنبك مهما حصل
خايفة على نفسي في يوم أقلل من نفسي وأطلب منك تكدب عليا وتقوللي حاجة محصلتش
عشان أرتاح واهدى ولو لثواني
أنا بجد تعبانة
ومش قادرة أعيش .. وياريتني عارفه سبب واضح أقدر أقوله
broken hams
ليست هناك تعليقات:
إرسال تعليق